పెరుగుతున్న కోవిడ్ కేసులు.. ప్రజల్లో ఆందోళన

దేశంలో మళ్లీ కోవిడ్ కేసులు పెరుగుతుండటం ఆందోళనకు గురిచేస్తోంది. ఓ వైపు కోవిడ్, మరోవైపు H3N2 కేసులు పెరుగుండటంతో.. కేంద్రం అప్రమత్తమైంది. కోవిడ్ కేసులు, H3N2 వైరస్ ల పట్ల జాగ్రత్తగా ఉండాలని రాష్ట్రాలకు సూచించింది. ఇన్‌ఫ్లుయెంజా తరహా అనారోగ్యం, లేదంటే సివియర్ అక్యూట్ రెస్పిరేటరీ ఇన్‌ఫెక్షన్ కేసులుగా కనిపించే శ్వాసకోస సంబంధిత వ్యాధికారకాలపై సమగ్ర నిఘా కోసం కార్యాచరణ మార్గదర్శకాలను పాటించాలని రాష్ట్రాలు, కేంద్రపాలిత ప్రాంతాలను కోరింది. అలాగే అన్ని ఆస్పత్రులలో మందులు, మెడికల్ ఆక్సిజన్, టీకాలను సిద్ధంగా ఉంచాలని తెలిపింది.