పుణ్యస్నానాలకోసం వెళ్లి.. బంగాళాఖాతంలో చిక్కుకున్న 511 మంది భక్తులు

గంగాసాగర్ లో పుణ్యస్నానాలకై సుమారు 511 మంది యాత్రికులతో రెండు నౌకలు బయల్దేరాయి. అవి ఎంవీ లచ్చమతి, ఎంవీ అగరమతి కాక్ ద్వీపం వద్ద చిక్కుకుపోయాయి. అందుకు కారణం దట్టమైన పొగమంచు. ద్వీపానికి సమీపంలో దట్టంగా పొగమంచు, అలలు తక్కువగా ఉండటంతో.. రెండు నౌకలూ ముందుకు కదల్లేక అక్కడే ఆగిపోయాయి. దాంతో ఆదివారం (జనవరి15) రాత్రంతా యాత్రికులు నౌకల్లోనే బిక్కుబిక్కుమంటూ గడిపారు. సమాచారం అందుకున్న కోస్టుగార్డు సిబ్బంది పడవలను ఏర్పాటు చేయగా.. యాత్రికులను పడవల ద్వారా సురక్షితంగా వెనక్కి తీసుకొచ్చారు.