Sudhamurthy to Rajyasabha:రాజ్య సభకు సుధామూర్తి
ఇన్ఫోసిస్ నారాయణ మూర్తి భార్య సుధామూర్తిని రాష్ట్రపతి రాజ్యసభకు నామినేట్ చేసినట్లు
Sudhamurthy to Rajyasabha:ఇన్ఫోసిస్ నారాయణ మూర్తి భార్య సుధామూర్తిని రాష్ట్రపతి రాజ్యసభకు నామినేట్ చేసినట్లు ప్రధాని నరేంద్ర మోదీ ట్వీట్ చేశారు. సామాజిక సేవ, విద్యసహా పలు అంశాల్లో సుధామూర్తి స్ఫూర్తిదాయక ముద్ర వేశారని.. ఎందరికో ఆదర్శంగా నిలిచారని ప్రధాని మోదీ తెలిపారు. ఆమె రాజ్యసభలో ఉండటం నారీశక్తికి నిదర్శనమని.. బాధ్యతలను సుధామూర్తి పూర్తిస్థాయిలో నిర్వర్తిస్తారని ఆశిస్తున్నట్లు తెలిపారు. అంతర్జాతీయ మహిళా దినోత్సవం సందర్భంగా వచ్చిన మోదీ ప్రకటనలో.. సుధా మూర్తి ఎగువ సభలో ఉండటం నారీ శక్తి (మహిళా శక్తి)కి ఒక శక్తివంతమైన నిదర్శనమని.. దేశం విధిని రూపొందించడంలో మహిళల శక్తి, సామర్థ్యాన్ని ఉదాహరణగా చూపుతుందని ప్రధాన మంత్రి తెలిపారు.
సుధా మూర్తి, ఇన్ఫోసిస్ వ్యవస్థాపకుడు నారాయణ మూర్తిని వివాహం చేసుకున్నారు. కన్నడ, ఆంగ్ల భాషలలో రచయిత్రిగా కూడా ఉన్నారు. నవలలు, సాంకేతిక పుస్తకాలు, ట్రావెలాగ్‌లను కూడా రచించారు. ఆమె UK ప్రధాన మంత్రి రిషి సునక్‌ను వివాహం చేసుకున్న వెంచర్ క్యాపిటలిస్ట్ అక్షతా మూర్తికి తల్లి. ఒక ఉపాధ్యాయురాలుగా ప్రస్థానం ప్రారంభించిన సుధామూర్తి ఇన్ఫోసిస్ ఫౌండేషన్‌ను కూడా ప్రారంభించారు. 2006లో ఆమె చేసిన సామాజిక సేవకు గానూ ప్రభుత్వం పద్మశ్రీని అందించింది. 2023లో ఆమెకు భారతదేశపు మూడవ అత్యున్నత పౌర పురస్కారం పద్మ భూషణ్ కూడా లభించింది. ప్రస్తుతం సుధా మూర్తి భారతదేశంలో లేరు. తనను రాజ్య సభకు నామినేట్ చేసినందుకు ప్రధాని మోదీకి ఆమె కృతజ్ఞతలు తెలిపారు.