G-20: జీ-20 సమ్మిట్‌ అంటే ఏమిటి..? అందరి చూపు ఢిల్లీ వైపే

ఇప్పుడు ప్రపంచమంతా ఢిల్లీ వైపే ఉంది. అందరి కన్ను ఢిల్లీ మీదే. ఏంటి ఢిల్లీలో అంత ప్రత్యేకత ఏంటనుకుంటున్నారా..? అదే జీ20 సమావేశాలు. లక్షకుపైగా ప్రత్యేక పోలీసు బలగాలతో భద్రత ఉంది. జీ 20 సమావేశాలు ఢిల్లీ వేదికగా జరుగనున్నాయి. అయితే జీ-20 అంటే ఏమిటనేది చాలా మందికి తెలియకపోవచ్చు. జీ 20 అంటే గ్రూప్ 20 దేశాలని అర్ధం. ప్రపంచీకరణ తరువాత 19 అగ్రరాజ్యాలు, యూరోపియన్ యూనియన్ కలిసి 1999లో ఏర్పాటు చేసుకున్న గ్రూప్ ఇది. ఇందులో అమెరికా, బ్రిటన్, రష్యా, చైనా, జపాన్, జర్మనీ, ఫ్రాన్స్ సహా అగ్రదేశాలన్నీ ఉన్నాయి. అందుకే అంతటి ప్రాధాన్యత జీ20 కు ఉందనే చెప్పాలి. ఈ దేశాలకు చెందిన ప్రముఖ నేతలు ఢిల్లీలో మకాం వేయనున్నారు. ఈ జీ -20 సమావేశాలో శని, ఆదివారాలు రెండు రోజుల పాటు జరుగనున్నాయి. ఇందు కోసం పలు దేశాలకు చెందిన అధ్యక్షులు, నేతలు రానుండటంతో భద్రత నిఘా నీడలో ఢిల్లీ ఉండిపోయింది.