లక్నోలో కూలిన నాలుగంతస్థుల భవనం.. ముగ్గురి మృతి
లక్నోలోని హజ్రత్ గంజ్ ప్రాంతంలోని ఒక నాలుగు అంతస్థుల భవనం మంగళవారం రాత్రి కూలిపోయింది. ప్రమాదంపై..
lucknow buidling collapsed
యూపీ రాజధాని లక్నోలో నాలుగు అంతస్థుల భవనం కూలిపోయింది. ఈ ప్రమాదంలో ముగ్గురు మరణించగా.. మరికొందరు భవనం శిథిలాల కింద చిక్కుకున్నారు. లక్నోలోని హజ్రత్ గంజ్ ప్రాంతంలోని ఒక నాలుగు అంతస్థుల భవనం మంగళవారం రాత్రి కూలిపోయింది. ప్రమాదంపై సమాచారం అందుకున్న పోలీసులు, జాతీయ విపత్తు నిర్వహణా బృందాలు సహాయక చర్యలు ప్రారంభించాయి. ఇప్పటి వరకూ శిథిలాల కింద చిక్కుకున్న 12 మందిని రక్షించారు.
శిథిలాల కింద ఇంకా కొంతమంది ఉన్నట్లు సమాచారం. వారిని సురక్షితంగా రక్షించేందుకు చర్యలు తీసుకుంటున్నట్లు అధికారులు తెలిపారు. ఇంకా ఐదుగురు శిథిలాల కింద ఉండగా.. వారిలో ఇద్దరితో మాట్లాడారు. వారికి ఆక్సిజన్ అందించేందుకు ప్రయత్నిస్తున్నారు. శిథిలాల తొలగింపు, బాధితుల్ని రక్షించే ప్రయత్నాలు అన్నీ శాస్త్రీయంగా జరుగుతున్నాయని ఉత్తర ప్రదేశ్ డీజీపీ డీఎస్ చౌహాన్ తెలిపారు. బాధితులకు ఎలాంటి హానీ కలగకుండా రక్షించేందుకు ప్రయత్నిస్తున్నామన్నారు. కాగా.. కూలిన బిల్డింగ్ కు యజమాని ఎలాంటి అనుమతీ తీసుకోలేదని, అతనిపై కేసు నమోదు చేసి చర్యలు తీసుకుంటామన్నారు.