ఎన్నికల షెడ్యూల్ ఎప్పుడంటే?
లోక్‌సభ ఎన్నికల షెడ్యూల్ విడుదలపై ఇంకా ఉత్కంఠ నెలకొంది. ఇప్పటికే గత ఎన్నికల షెడ్యూల్ కంటే నాలుగు రోజులు ఆలస్యమయింది;
లోక్‌సభ ఎన్నికల షెడ్యూల్ విడుదలపై ఇంకా ఉత్కంఠ నెలకొంది. ఇప్పటికే గత ఎన్నికల కంటే నాలుగు రోజులు షెడ్యూల్ విడుదల కావడం ఆలస్యమయింది. లోక్‌సభ ఎన్నికలతో పాటు మూడు రాష్ట్రాల ఎన్నికలకు సంబంధించి షెడ్యూల్ విడుదల కావాల్సి ఉంది. వాస్తవానికి ఈ నెల 14, 15 తేదీల్లో షెడ్యూల్ విడుదల కావాల్సి ఉంది.
నియామకం పూర్తి కాకపోవడంతో...
కానీ కేంద్ర ఎన్నికల కమిషనర్ అరుణ్ గోయల్ అకస్మాత్తుగా రాజీనామా చేయడంతో కొత్త కమిషనర్ల ఎంపికపై కసరత్తు జరుగుతుంది. ఈ ఎంపిక పూర్తయిన తర్వాత శనివారం షెడ్యూల్ విడుదలయ్యే అవకాశముందని చెబుతున్నారు. ఇప్పటికే ఆలస్యమయినందున ఇక జాప్యం చేసే అవకాశం లేదని ఎన్నికల కమిషన్ వర్గాలు వెల్లడించాయి.
