ఘాటెక్కిన టమాటా.. సెంచరీ కొట్టింది

సెప్టెంబర్ నెల మధ్య నుంచి టమోటా ధరలకు రెక్కలొచ్చాయి. అధిక వర్షాల కారణంగా వరదలు వచ్చి.. పంట పాడవ్వటంతో టమోటా ధరలు ఎక్కువయ్యాయి. అప్పట్నుంచి వర్షాలు కురుస్తుండటంతో రోజురోజుకూ ధరలు ఎక్కువవుతున్నాయే గానీ.. తగ్గడం లేది. ఇక ఉత్తరాది విషయానికొస్తే.. రిటైల్ మార్కెట్లో టమోటా ధర రూ.30 నుంచి రూ.83 వరకూ పలుకుతోంది. పశ్చిమ ప్రాంతంలో రూ.30 నుంచి రూ.85 వరకూ, తూర్పు ప్రాంతంలో రూ.39 నుంచి రూ.80వరకూ పలుకుతున్నట్లు వినియోగదారుల వ్యవహారాల మంత్రిత్వ శాఖ చెబుతుంది.

కర్ణాటక లో టమోటా ధరలు దడ పుట్టిస్తున్నాయి. మంగళూరు, తూమకూరులో కేజీ టమాట రూ.100 పలుకుతుండగా, ధార్వాడ్ ప్రాంతంలో కేజీ రూ.75, మైసూరులో కేజీ రూ.74, శివమోగా కేజీ రూ.67, దేవనగిరెలో కేజీ రూ.64కేజీ, బెంగళూరులో కేజీ రూ.57 వరకూ ధరలున్నాయి. తమిళనాడులోని రామంతపురంలో కేజీ రూ.102, తిరునెల్వెలీ రూ.92, కుద్దలోరె కేజీ రూ.75, చెన్నై కేజీ రూ.83, ధర్మపురి కేజీ రూ.83 గా ఉన్నాయి. ఆంధ్రప్రదేశ్ లోని విశాఖపట్నంలో కేజీ రూ.77, తిరుపతిలో కేజీ రూ.72 పలుకుతుండగా తెలంగాణలోని వరంగల్ రూ.85వరకూ టమాట రేట్లు పెరిగాయి. మరో రెండు వారాల పాటు టమోటా ధరలు ఇలాగే కొనసాగుతాయని ప్రభుత్వం అంచనా వేస్తోంది.