Koo VS Twitter : "కూ" ఖాతాను తొలగించిన ట్విట్టర్

ట్విట్టర్లో తమ అధికారిక ఖాతాను తొలగించడంపై 'కూ' సహ వ్యవస్థాపకుడు మయాంక్ బిదావత్కా #ElonIsDestroyingTwitter ట్యాగ్ వాడుతూ ట్వీట్ చేశారు. తమకు సంబంధించిన సమాచారం పోస్టు చేయడంలో తప్పులేదన్నారు. జర్నలిస్టులు లింకులు పోస్టు చేస్తే తప్పేంటని ప్రశ్నించారు. కనీస సమాచారం లేకుండా.. ఎలాన్ ఇలాంటి చర్యలు తీసుకోవడం సరికాదని హితవు పలికారు. ట్విట్టర్ తీరు ప్రజాస్వామ్యబద్ధంగా లేదని విమర్శించారు. ట్విట్టర్ ఇకపై ఒక ప్రచురణ కర్తగా ఉంటుందే తప్ప.. ఒక వేదికగా తన ఉనికిని కోల్పోతుందన్నారు. మాస్టోడాన్ ఖాతాను నిషేధించడం, దాని లింకులు సురక్షితం కాదని అనడం, కూ ఖాతాను నిషేధించడాన్ని తీవ్రంగా పరిగణిస్తున్నానని అన్నారు.