ట్రైన్ లో పిడకలతో చలిమంట వేసుకున్నారు

గేట్‌మ్యాన్ వెంటనే బర్హాన్ రైల్వే స్టేషన్‌లోని ఉన్నతాధికారులకు సమాచారం అందించాడు. ఆ తర్వాత ఒక RPF బృందం రైలును చమ్రౌలా వద్ద ఆపారు. ఆ సమయంలో రైలులో కొందరు వ్యక్తులు మంటలు వెలిగించినట్లు వారు కనుగొన్నారు. విపరీతమైన చలి నుండి ఉపశమనం పొందడానికి కోచ్ లోపల పిడకలతో మంటలను వెలిగించారు. పెద్ద ప్రమాదం జరగకముందే మంటలను ఆర్పివేశారు. రైలు అలీఘర్ జంక్షన్‌కు చేరుకున్నాక 16 మందిని అదుపులోకి తీసుకున్నారు. ఫరీదాబాద్‌కు చెందిన చందన్ (23), దేవేంద్ర (25) అనే ఇద్దరు యువకులు మంటలు వెలిగించినట్లు అంగీకరించారని అలీఘర్ రైల్వే స్టేషన్‌ ఆర్‌పిఎఫ్ కమాండెంట్ రాజీవ్ వర్మ తెలిపారు. వారిపై ఐపీసీ, ఇండియన్ రైల్వే చట్టంలోని సంబంధిత సెక్షన్ల కింద కేసు నమోదు చేసి జైలుకు పంపారు. మరో 14 మంది సహ ప్రయాణీకులను హెచ్చరించి అధికారులు విడుదల చేశారు.