Floods : వరదలతో భయానక పరిస్ఠితి...రహదారులు మూసివేత

ఉత్తరాఖండ్ లో వరదలు ముంచెత్తుతున్నాయి. భారీ వర్షాలకు అనేక ప్రాంతాలు జలమయమయ్యాయి. ఇళ్లు నీటమునిగాయి. అలకనంద నది ఉప్పొంగి ప్రవహిస్తుండటంతో ఆస్తి నష్టం భారీగా ఉంటుందని అంచనాలు వినపడుతున్నాయి. అల్మోరా, పిథోర్‌గడ్, ఉథమ్‌సింగ్ నగర్, కుమాన్ ప్రాంతాల్లో వారం రోజుల పాటు భారీ వర్షాలు కురుస్తాయని వాతావరణ శాఖ హెచ్చరికలతో ప్రజలు మరింత ఆందోళన చెందుతున్నారు. ఇప్పటికే డెహ్రాడూన్, తేహ్రి, హరిద్వార్ నదీ పరివాహక ప్రాంతాల్లో ఆరెంజ్ అలెర్ట్ జారీ చేశారు.అనేక నదులు ఉప్పొంగి ప్రవహిస్తున్నాయి. అలకానంద, గంగా, శారద, మందాకిని, కోసి నదులు ప్రవహిస్తుండంతో దాదాపు వందకు పైగా రహదారులను మూసివేశారు.