Congress : షర్మిలమ్మ చేతులూపినా... రంకెలేసినా.. కాగితాలు కనపడటం లేదే?

కాంగ్రెస్ ఆంధ్రప్రదేశ్ లో పెద్దగా ప్రభావం చూపలేదని అందరికీ తెలిసిందే. అందుకే ఏరికోరి వైఎస్ షర్మిలను చీఫ్ గా చేసి ఒక ప్రయోగం చేయాలని ఆ పార్టీ భావించింది. సరే.. షర్మిల వచ్చినా కాంగ్రెస్ ఈసారైనా శానసభలోకి కాలుమోపుతుందా? అంటే చెప్పలేం. ఎందుకంటే.. రాష్ట్ర విభజన చేసిన కాంగ్రెస్ పై ఏపీ ప్రజల్లో ఇంకా ఆగ్రహం చల్లారలేదు. ఎవరు వచ్చినా ఆ పార్టీ పరిస్థితుల్లో పెద్దగా మార్పు ఉండదు. అసలు ఓటు బ్యాంకు కూడా లేకుండా పోయింది. అక్కడ మరో జాతీయ పార్టీ బీజేపీది కూడా అదే పరిస్థితి. అయితే కాంగ్రెస్ కంటే బీజేపీ కొంతలో కొంత నయం. ఎందుకంటే కేంద్రంలో అధికారంలో ఉండటంతో ఇక్కడ కనీసం పోటీ చేయడానికి అభ్యర్థులైనా దొరుకుతారు. ఆ పార్టీతో పొత్తు పెట్టుకోవడానికి టీడీపీ, జనసేన ప్రయత్నిస్తున్నాయంటే కొంత బలంగా ఉన్నట్లే.