KTR : మీ నాయనే బాగుంటే.. సవ్యంగా చేసి ఉంటే.. ఓటమి దక్కి ఉండేదా కేటీఆర్?

మాజీ మంత్రి కేటీఆర్ ఎందుకో ఈ మధ్య కొంత మాటలు పట్టుతప్పినట్లు తెలుస్తోంది. ఆయన ఫ్రస్టేషన్ లో ఉన్నట్లు కనపడుతుంది. ఎన్నడూ లేనిది కేటీఆర్ మాట తూలుతుండటంతో బీఆర్ఎస్ నేతలనే ఆశ్చర్యపరుస్తుంది. ఎన్నికల ఫలితాలు వెలువడిన తర్వాత కొంత హుందాగా వ్యవహరించిన బీఆర్ఎస్ వర్కింగ్ ప్రెసిడెంట్ కేటీఆర్ తర్వాత జరుగుతున్న పార్లమెంటరీ నియోజకవర్గాల సమావేశాల్లో మాత్రం కాస్త ఎక్కువగా మాట్లాడుతున్నారన్న కామెంట్స్ వినపడుతున్నాయి. ఎమ్మెల్యేలో.. మరొకరో మాట్లాడితే పెద్దగా పట్టించుకోరు.. కానీ పార్టీ వర్కింగ్ ప్రెసిడెంట్ హోదాలో ఉండి కేటీఆర్ చేస్తున్న వ్యాఖ్యల పట్ల అభ్యంతరాలు వ్యక్తమవుతున్నాయి. పార్లమెంటు ఎన్నికల్లో గెలవడానికి క్యాడర్ లో జోష్ నింపడానికి మరొక రకమైన దారులున్నాయి. ముందు క్యాడర్ కు అందుబాటులో ఉంటే ఆ తర్వాత విజయాలు వస్తాయి. అంతే తప్ప అదుపు తప్పి మాట్లాడితే అసలుకే చేటు వస్తుందంటున్నారు.