Telangana Budget : తెలంగాణ వార్షిక బడ్జెట్ 3,04,965 కోట్లు

అభివృద్ధి, సంక్షేమం, సుపరిపాలన అనే మూడు అంశాలను నమూనాగా తీసుకుని దేశానికి తెలంగాణ ఆదర్శంగా నిలుస్తున్నామని మల్లు భట్టి విక్రమార్క తెలిపారు. తెలంగాణ రాష్ట్ర దీర్ఘకాలిక అభివృద్ధికి తమ ప్రభుత్వం కట్టుబడి ఉందని మల్లు భట్టి విక్రమార్క తెలిపారు. ప్రజా ప్రయోజనాలే తమకు ముఖ్యమని అన్నారు. వెయ్యి ట్రిలియన్ డాలర్ల ఆదాయం లక్ష్యంగా తమ పాలన పరుగులు తీస్తుందని మల్లు తెలిపారు. అంతర్జాతీయ స్థాయిలో హైదరాబాద్ ను గ్లోబల్ సిటీగా, కాలుష్య రహిత నగరంగా తీర్చిదిద్దేందుకు మూసీ రివర్ ప్రాజెక్టును ప్రారంభించామని తెలిపారు. పరిశ్రమల స్థాపనలో అన్ని రాష్ట్రాల కంటే ముందున్నామని తెలిపారు. విద్య, వైద్య రంగాలను అందుబాటులో ఉంచుతూ వారికి మౌలిక సదుపాయాలను కల్పిస్తున్నామని మల్లు భట్టి విక్రమార్క తెలిపారు. రైతుల సంక్షేమమే ప్రాధాన్యంగా పనిచేసే తమ ప్రభుత్వం రైతురుణ మాఫీ, రైతుభరోసా, మార్కెటింగ్ సౌకర్యాలు వంటివి కల్పిస్తున్నామని మల్లు భట్టి విక్రమార్క వివరించారు.

నిరుపేదలు, బలహీన వర్గాల కోసం అభివృద్ధి ఫలాలు అందాలని సంక్షేమ రంగానికి తగినన్ని నిధులను కేటాయింపులు చేస్తున్నామని మల్లు భట్టి విక్రమార్క చెప్పారు. రైజింగ్ తెలంగాణ అనే నినాదంతో ముందుకు వెళుతున్నామని తెలిపారు. 3,04,965 కోట్ల తెలంగాణ వార్షిక బడ్జెట్ గా నిర్ణయించారు. రెవెన్యూ వ్యయం 2,26,982 కోట్ల రూపాయలుగా చూపించారు. తలసరి ఆదాయాన్ని 3,79,751 కోట్ల రూపాయలుగా బడ్జెట్ అంచనాల్లో చూపారు. సామాన్యులను దృష్టిలో పెట్టుకుని ఈ బడ్జెట్ ను రూపొందించామని తెలిపారు. మహాలక్ష్మి, గృహజ్యోతి, ఇందిరమ్మ ఇళ్లు, రైతు భరోసా వంటి పథకాలను ఇప్పటికే అమలు చేస్తుందని అన్నారు. వ్యవసాయ శఆఖకకు 24,439 కోట్ల రూపాయలు కేటాయించింది. విద్యకు 23,108 కోట్ల రూపాయలు, పంచాయతీరాజ్, గ్రామీణాభివృద్ధికి 31, 035 కోట్లు, ఎస్సీ సంక్షేమానికి 40 వేల కోట్ల రూపాయలను కేటాయించింది.