వద్దని వారించినా వినలేదు.. వాగులో వ్యక్తి గల్లంతు

తెలంగాణ రాష్ట్ర వ్యాప్తంగా గత మూడు రోజుల నుండి కురిసిన వర్షాలకు కారణంగా వాగులు వంకలు పొంగిపొర్లుతున్నాయి. అయితే పోలీస్ శాఖ,రెస్క్యూ జిహెచ్ఎంసి అధికారులు ఎక్కడ ఎటువంటి ప్రాణ నష్టం జరగకుండా ఎప్పటికప్పుడు సహాయక చర్యలు చేపడుతున్నారు. అయినా కూడా వికారాబాద్ జిల్లాలో ఓ వ్యక్తి వాగులో గల్లంతు కావడంతో స్థానికంగా తీవ్ర కలకలం రేగింది. ఈ ఘటన తాండూరు మండలంలోని సంగెంకలాన్ లో చోటు చేసుకుంది. సంగెంకలాన్ గ్రామానికి చెందిన బొక్తంపల్లి పెంటప్ప(48) అనే వ్యక్తి శుక్రవారం ఉదయం కర్ణాటక రాష్ట్రం షాపూర్ లో బంధువుల అంత్యక్రియల కోసం సుమారు 30 మంది వ్యక్తులతో కలిసి వెళ్ళాడు. అంత్యక్రియలు ముగిసిన అనంతరం శుక్రవారం సాయంత్రం సమయంలో గ్రామానికి తిరిగి పయనమయ్యాడు. గ్రామానికి సమీపంలోకి రాగానే భారీ వర్షాల కారణంగా అక్కడ ఉన్న వాగు ఉధృతంగా ప్రవహిస్తుంది. దీంతో 30 మందితో కలిసి ఉన్న పెంటప్ప అక్కడే ఉన్న ఓ కల్లు దుకాణం వద్దకు వెళ్లి కూర్చున్నారు.