National Highway : ఒక్కసారిగా పెరిగిన రద్దీ.. టోల్‌ప్లాజాల వద్ద గంటల గంటలు

నేటి నుంచి సంక్రాంతి సెలవులు ప్రారంభం కావడంతో జాతీయ రహదారిలో రష్ ఎక్కువగా ఉంది. హైదరాబాద్ నగరం నుంచి ఎక్కువ మంది సొంత వాహనాలలో సొంత ఊళ్లకు బయలుదేరడంతో ఈరోజు ఉదయం నుంచే రద్దీ కనిపిస్తుంది. ముఖ్యంగా టోల్‌ప్లాజాల వద్ద విపరీతమైన ర‌ష్ ఏర్పడింది. పంతంగి టోల్ ప్లాజా వద్ద గంటల తరబడి వాహనాలను నిలిచిపోతున్నాయి. అప్పటికీ విజయవాడ వైపు వెళ్లే వాహనాలకు సంబంధించి టోల్‌గేట్లను ఎక్కువగా తెరిచినా వాహనాలు అధిక సంఖ్యలో రావడంతో టోల్ దాటడానికి ఎక్కువ సమయం పడుతుంది.