Telangana : ఆరు గ్యారంటీల్లో అమలయింది ఎన్నంటే? వాటి మీద జనం ఏమనుకుంటున్నరంటే?

డిసెంబరు 7వ తేదీన ప్రమాణ స్వీకారం చేస్తే తొమ్మిదో తేదీ నుంచి మహిళలకు ఉచిత బస్సు పథకాన్ని ప్రారంభించారు. ఈ పథకం సూపర్ సక్సెస్ అయింది. ఆర్టీసీలో ఆక్యుపెన్సీ రేటు పెరగడమే కాకుండా అదనపు ఆదాయాన్ని కూడా తెచ్చిపెట్టిందంటున్నారు. అత్యంత వేగంగా ఈ పథకాన్ని గ్రౌండ్ చేయడంతో ఇక ఇచ్చిన హామీలన్నీ అమలవుతాయని అందరూ భావించారు. కానీ తర్వాత హామీల అమలులో కొంత ఆలస్యం జరిగింది. రెండు వందల యూనిట్ల వరకూ ఉచిత విద్యుత్తుకు పెద్దగా రెస్పాన్స్ రావడం లేదంటున్నారు. ఎందుకంటే చాలా మందికి ఈ పథకం అందడం లేదని చెబుతున్నారు. అదే సమయంలో ఎక్కువ మందికి ఈ పథకంలో కోత పెట్టారన్న విమర్శలు కూడా బాగానే వినిపిస్తున్నాయి.

ఇక రైతులకు రెండు లక్షల వరకూ రైతు రుణ మాఫీ కూడా సక్రమంగా అమలుకాలేదని ప్రతిపక్షాలు ఆరోపిస్తున్నాయి. రెండు లక్షల రుణం కొందరికే అందిందని, అందరికీ అందలేదని అనేక ప్రాంతాల్లో రైతులు ఆందోళనకు కూడా దిగారు. తాజాగా రైతు భరోసా నిధులను కూడా సంక్రాంతికి విడుదల చేస్తామని చెప్పారు. దీనిపై విధివిధానాలు ఇంకా నిర్ణయించలేదు. కానీ అందుతున్న సమాచారాన్ని బట్టి ఈ పథకం కింద కూడా అందరికీ అందేది లేదన్నది అర్థం అవుతుంది. కొందరికిపెట్టి మరికొందరికి గతంలో వచ్చేసొమ్ములు రాకుంటే వారంతా వ్యతిరేకమయ్యే అవకాశముందన్నఆందోళనవ్యక్తమవుతుంది. అదే ఇప్పుడు కాంగ్రెస్ నేతల్లో టెన్షన్ ప్రారంభమయింది. పథకాలను అమలు చేస్తున్నారు సరే.. అందరికీ కాకుండా కొందరికే అందడంపై పార్టీలోనే కొంత అసంతృప్తులు వినపడుతున్నాయి.