వైరా బీఆర్ఎస్‌లో తీవ్ర కలకలం.. మాజీ ఎమ్మెల్యే మ‌హిళ‌తో ఉన్న ఫోటోలు వైర‌ల్

ఖమ్మం జిల్లా వైరా బీఆర్ఎస్ లో తీవ్ర కలకలం రేగింది. మాజీ ఎమ్మెల్యే మదన్ లాల్ ఓ మహిళతో సన్నిహితంగా ఉన్న ఫోటోలు.. మాజీ ఎమ్మెల్యే రాస‌లీల‌లు అంటూ.. సోషల్ మీడియాలో చక్కర్లు కొడుతు న్నాయి. రాబోయే అసెంబ్లీ ఎన్నికలకై బీఆర్ఎస్ అధినేత కేసీఆర్ అభ్య‌ర్ధుల‌ లిస్టు ఖరారు చేశార‌నే ప్ర‌చారం నేప‌థ్యంలో.. టికెట్ మాజీ ఎమ్మెల్యే మదన్ లాల్‌కు వస్తుందని కుట్ర పూర్వకంగా ఎమ్మెల్యే రాములు నాయక్ వర్గం ఇటువంటి ఫోటోలు మార్ఫింగ్ చేసి సోషల్ మీడియాలో వైరల్ చేస్తున్నారని మదన్ లాల్ వర్గీయులు ఆరోపిస్తు న్నారు. అసలు ఆ ఫోటోలు నిజం కాదని అవి మార్ఫింగ్ ఫోటోలని చెప్తున్నారు. ఈ విషయంపై బానోత్‌ మదన్ లాల్ స్పందించాల్సివుంది.

రాబోయే అసెంబ్లీ ఎన్నికలకై బీఆర్ఎస్ అధినేత కేసీఆర్ అభ్య‌ర్ధుల‌ లిస్టు ఖరారు చేశార‌ని.. ఆ లిస్టును రేపు అధికారికంగా ప్ర‌క‌టించ‌నున్నార‌ని ప్ర‌చారం జ‌రుగుతుంది. అందులో పదిమందికి సిట్టింగుల‌కు టిక్కెట్లు లేనట్లు వార్త‌లు వ‌స్తున్నాయి. అయితే ఆ ప‌ది మందిలో వైరా సిట్టింగ్ ఎమ్మెల్యే రాములు నాయక్ ఉన్నార‌ని.. బానోత్‌ మదన్ లాల్‌ను ఇప్పటికే అధిష్టానం హైద‌రాబాద్‌కు పిలిచి మాట్లాడిందని.. టికెట్ ఆయ‌న‌కే వస్తుందని.. అందుకే వ్య‌తిరేక వ‌ర్గం ఇటువంటి దిగ‌జారుడు ప్ర‌యాత్నాలు చేస్తుంద‌ని మాజీ ఎమ్మెల్యే వ‌ర్గీయులు ఫైర్ అవుతున్నారు. ఫోటోల లీకులు, టికెట్ కేటాయింపులు విష‌య‌మై వైరా రాజకీయాలు ఒక్క‌సారిగా హాట్ టాఫిక్‌గా మారాయి.