ఎల్లుండి బీఆర్ఎస్‌ఎల్‌పీ సమావేశం
ఈ నెల 17న బీఆర్ఎస్ శాసనసభ పక్ష సమావేశం జరగనుంది. ఈ సమావేశంలో కేసీఆర్ ఎమ్మెల్యేలకు దిశానిర్దేశం చేయనున్నారు.
ఈ నెల 17న బీఆర్ఎస్ శాసనసభ పక్ష సమావేశం జరగనుంది. మధ్యాహ్నం 2 గంటలకు తెలంగాణ భవన్ లో బీఆర్ఎస్ పార్టీ అధినేత, ముఖ్యమంత్రి కె.చంద్రశేఖర్ రావు గారి అధ్యక్షతన జరగనున్న ఈ సమావేశంలో ఎన్నికల సమయంలో అనుసరించాల్సిన వ్యూహాలను దిశానిర్దేశం చేయనున్నారు.
ఎన్నికల వ్యూహంపై...
కర్ణాటక ఫలితాలు వెలువడటంతో వచ్చే ఎన్నికల్లో ఎలాంటి వ్యూహాలతో ముందుకు వెళ్లాలన్న దానిపై సమావేశంలో నిర్ణయిస్తారు. శాసనసభ్యులతో పాటు పార్లమెంటు సభ్యులు కూడా ఈ సమావేశానికి హాజరు కావాలని ఆదేశాలు జారీ అయ్యాయి. ముఖ్యమంత్రి కేసీఆర్ ఏ ప్రకటన చేస్తారన్నది ఆసక్తికరంగా మారింది.