కొండెక్కుతున్న కోడి.. కొనేదెలా ? తినేదెలా ?

మారుతున్న వాతావరణ పరిస్థితుల ప్రభావం.. మాంసాహార విక్రయాలపై, నిత్యావసర వస్తువులపై ప్రభావం చూపుతున్నాయి. వేసవిలో వచ్చిన అకాల వర్షాలు రైతులకు తీరని పంటనష్టాలను తెచ్చిపెట్టాయి. ఇప్పటికే డిమాండ్ కు తగిన దిగుబడి లేకపోవడంతో.. కిలో కందిపప్పు ధర ఏకంగా రూ.140కి చేరింది. ఇప్పుడు చికెన్ ధర కూడా అమాంతం పెరిగిపోయింది. ఆదివారం వస్తే చాలు.. ముక్కలేనిదే ముద్దదిగదు చాలామందికి. ఎలాంటి వారైనా సరే.. ఆదివారం కనీసం రూ.100 చికెన్ అయినా కొనుగోలు చేస్తారు. ఇప్పుడు వాటి ధరలు కూడా రోజురోజుకీ పెరిగిపోతున్నాయి. కేవలం నెల రోజుల్లోనే కిలో చికెన్ ధర రూ.30-50 మేర పెరిగింది.