నేడు ఉమామహేశ్వరి అంత్యక్రియలు

మాజీ ముఖ్యమంత్రి ఎన్టీఆర్ చిన్న కుమార్తె కంఠమనేని ఉమామహేశ్వరి అంత్యక్రియలను నేడు నిర్వహించనున్నారు. రెండు రోజుల క్రితం ఆమె బలవన్మరణానికి పాల్పడిన సంగతి తెలిసిందే. ఈరోజు మహాప్రస్థానంలో ఉమామహేశ్వరి అంత్యక్రియలు జరుగుతాయని ఎన్టీఆర్ కుమారుడు నందమూరి రామకృష్ణ తెలిపారు. ఉమామహేశ్వరి పెద్ద కుమార్తె అమెరికాలో ఉండటంతో నేడు అంత్యక్రియలు నిర్వహించాలని భావించారు. అందుకోసమే సోమవారం ఆత్మహత్య చేసుకున్నా బుధవారం అంత్యక్రియలు నిర్వహించాలని కుటుంబ సభ్యులు నిర్ణయించారు.