ఈ నంబరుకు కాల్ చేస్తే.. ఇంటికే బూస్టర్ డోస్

థర్డ్ వేవ్ కారణంగా 60 ఏళ్లు నిండిన ప్రతిఒక్కరికీ బూస్టర్ డోస్ వేస్తున్నారు. అయితే.. 60 ఏళ్లు పైబడి.. దీర్ఘకాలిక వ్యాధులతో బాధపడుతూ.. వ్యాక్సినేషన్ సెంటర్ కు వెళ్లి వ్యాక్సిన్ వేయించుకోలేని వారికోసం జీహెచ్ఎంసీ కీలక నిర్ణయం తీసుకుంది. జీహెచ్ఎంసీ హెల్ప్‌లైన్‌కు ఫోన్ చేస్తే డైరెక్ట్‌గా వారి ఇంటికి వ‌చ్చి బూస్ట‌ర్ డోసు వేస్తామ‌ని ప్ర‌క‌టించింది. దీర్ఘకాలిక రోగాల‌తో ఇబ్బందులు ప‌డుతున్న వారు 04021111111 నెంబ‌ర్‌కు ఫోన్ చేసి వివరాలు చెప్తే.. సిబ్బంది ఇంటికే వచ్చి వ్యాక్సిన్ వేస్తారని అధికారులు వెల్లడించారు. ఈ అవకాశాన్ని సద్వినియోగం చేసుకోవాలని అధికారులు చెబుతున్నారు.