వీహెచ్ ఈ డిమాండ్ ను అయినా కాంగ్రెస్ పెద్దలు పట్టించుకుంటారో.. లేదో!!

కాంగ్రెస్ సీనియర్ నేత వి.హనుమంత రావు కాంగ్రెస్ పార్టీ ముందు మరో డిమాండ్ ను ఉంచారు. గత కొన్నేళ్లుగా తనకు ఎలాంటి పదవీ ఇవ్వలేదని.. ఇప్పుడైనా తనకు రాజ్యసభ ఎంపీగా అవకాశం కల్పించాలని కాంగ్రెస్ పార్టీ అధిష్ఠానాన్ని కోరారు. లోక్ సభ ఎన్నికల్లో తనకు సికింద్రాబాద్ టిక్కెట్ ఇస్తే గెలిచేవాడినన్నారు. టిక్కెట్ విషయంలో తనకు అన్యాయం జరిగిందని అన్నారు. ఇటీవల జరిగిన పార్లమెంట్ ఎన్నికల్లో సికింద్రాబాద్ లో కాంగ్రెస్ పార్టీ బీఆర్ఎస్ నుంచి పార్టీలో చేరిన దానం నాగేందర్ కు ఎంపీ టికెట్ కేటాయించింది. అయితే సికింద్రాబాద్ పార్లమెంట్ స్థానంలో కాంగ్రెస్ ఓటమిని ఎదుర్కొంది.