తెలంగాణలోనే టీడీపీ బెటర్ అట!!

తెలంగాణ ఎన్నికల్లో టీడీపీ పోటీ చేయబోతోంది. ఈ విషయంపై గత కొన్ని రోజులుగా చర్చ జరుగుతూ వచ్చింది.. తాజాగా కన్ఫర్మ్ అయింది. తెలంగాణ రాష్ట్ర టీడీపీ అధ్యక్షుడు కాసాని జ్ఞానేశ్వర్ నేడు టీడీపీ అధినేత చంద్రబాబు నాయుడును కలిశారు. చంద్రబాబుతో రాజమండ్రి జైల్లో ములాఖత్ అయిన తర్వాత కాసాని మీడియాతో మాట్లాడారు. తెలంగాణలో టీడీపీ పోటీ బాగుంటదని.. ఏపీ కంటే తెలంగాణలోని టీడీపీ బాగుందన్నారు. ఇపుడున్న అన్ని పార్టీల్లో కంటే టీడీపీ బెటర్ అని.. నాయకుల్లో చంద్రబాబు బెస్ట్ లీడర్ అని ప్రజలు నమ్ముతున్నారన్నారు. తెలంగాణ ఎన్నికల్లో టీడీపీ ఒంటరిగానే పోటీ చేస్తుందని కాసాని జ్ఞానేశ్వర్ తెలిపారు. తెలంగాణలో ఎన్ని సీట్లపై పోటీ చేయాలనేది అక్టోబర్ 29న లోకేష్ తో చర్చించి చెబుతామన్నారు. సాధ్యమైనంత వరకు అన్ని సీట్లలో పోటీ చేయడానికి ప్రయత్నిస్తామని.. బీజేపీ, జనసేనతో కలిసి పోటీ చేయడం లేదన్నారు.