గల్ఫ్ మృతుల కుటుంబాలకు గుడ్ న్యూస్.. మార్గదర్శకాల విడుదల

గల్ఫ్ మృతులకు రూ.5 లక్షల ఎక్స్ గ్రేషియా చారిత్రాత్మకమని టీపీసీసీ ఎన్నారై సెల్ నేత మంద భీంరెడ్డి తెలిపారు. మంగళవారం ఎన్నారై సెల్ నేతలు మంత్రి పొన్నం ప్రభాకర్ ను కలిసి కృతజ్ఞతలు తెలిపారు. మార్గదర్శకాల జీవో విడుదల చేసిన రేవంత్ రెడ్డి ప్రభుత్వానికి ఆయన అభినందనలు తెలిపారు. ఐదు లక్షల ఎక్స్ గ్రేషియా చెల్లింపు దేశ చరిత్రలోనే ప్రథమమన్న భీంరెడ్డి అక్రమ నివాసులు లను కూడా దయతో ఉదారంగా చేర్చాలని కోరారు. 'గల్ఫ్' తో సహా 18 ఈసీఆర్ దేశాలకు, సింగపూర్ తదితర దేశాలకు వర్తింపజేయాలని ద భీంరెడ్డి కోరారు. సుదూర తీరంలో గల్ఫ్ దేశాలలో మన తెలంగాణ కార్మికులు మరణించిన సందర్భంలో ఆ కుటుంబాలను ఆదుకోవడానికి ఐదు లక్షల ఎక్స్ గ్రేషియా ఇవ్వడానికి తెలంగాణ ప్రభుత్వం ముందుకు రావడం శుభపరిణామమని తెలిపారు.గల్ఫ్ కార్మికుల సంక్షేమం కోసం చర్యలు తీసుకుంటామని కాంగ్రెస్ పార్టీ 2023 అసెంబ్లీ ఎన్నికల మేనిఫెస్టోలో ఇచ్చిన హామీ ప్రకారం... తెలంగాణ ప్రభుత్వం ఈ నెల16వ తేదీన డు నాలుగు అంశాలతో జీవో నెంబర్ 205 ను విడుదల చేసిన విషయం తెలిసిందే.గల్ఫ్ దేశాలలో చనిపోయిన తెలంగాణ ప్రవాసి కార్మికుల కుటుంబాలను ఆదుకోవడానికి ఐదు లక్షల ఎక్స్ గ్రేషియా చెల్లింపు అంశం ఇందులో ఒకటని తెలిపారు. జీవో నెంబర్ 205 కు కొనసాగింపుగా ఐదు లక్షల ఎక్స్ గ్రేషియా చెల్లింపు కొరకు మార్గదర్శకాలతో కూడిన జీవో నెంబర్ 216 ను ఈ నెల 7వ తేదీన ప్రభుత్వం విడుదల చేసిందని తెలిపారు.గల్ఫ్ కార్మికుల సంక్షేమం విషయంలో తెలంగాణ ముఖ్యమంత్రి ఏ. రేవంత్ రెడ్డి నాయకత్వం లోని కాంగ్రెస్ ప్రభుత్వం చరిత్ర సృష్టించిందన్నారు.