సర్వేలన్నీ అనుకూలమే... స్పీడ్ తగ్గిన కారు

తాజాగా తెలంగాణలో లోక్‌పాల్ నిర్వహించిన సర్వేలోనూ కాంగ్రెస్ ఆధిక్యత స్పష్టంగా కనిపిస్తుంది. తెలంగాణ శాసనసభలో మొత్తం 119 నియోజకవర్గాలున్నాయి. మ్యాజిక్ ఫిగర్ 60 మాత్రమే. అయితే కాంగ్రెస్ మ్యాజిక్ ఫిగర్ కు చేరువలోనే ఉండటం ఆ పార్టీ నేతలకు కొత్త జోష్ నిచ్చింది.ఈ ఏడాది ఆగస్టు పదోతేదీ నుంచి సెప్టంబరు 30వ తేదీ వరకూ తెలంగాణలో లోక్‌పాల్ సర్వే సంస్థ నిర్వహించింది. మొత్తం అరవై వేల మంది అభిప్రాయాలను సేకరించింది.

ఈ సర్వేలో కాంగ్రెస్‌కు 61 నుంచి 67 స్థానాలు గెలుచుకుంటుందని తేలింది. అధికార బీఆర్ఎస్‌కు 45 నుంచి 51 స్థానాలకు పరిమితమవుతుందని సర్వేలో తేల్చింది. భారతీయ జనతా పార్టీ కేవలం రెండు నుంచి మూడు సీట్లు మాత్రమే వస్తాయని తేల్చింది. ఎంఐఎం ఆరు నుంచి ఎనిమిది స్థానాలను గెలుచుకుంటుందని చెప్పింది. ఇతరులు ఒక స్థానానికే పరిమితమయ్యే అవకాశాలున్నాయని తేల్చింది. కాంగ్రెస్‌కు 41 నుంచి 44 శాతం ఓట్లు, బీఆర్ఎస్ 39 నుంచి 42 శాతం, బీజేపీకి పది నుంచి పన్నెండు శాతం, ఎంఐఎం మూడు నుంచి నాలుగు శాతం, ఇతరులకు మూడు నుంచి ఐదు శాతం ఓట్లు వస్తాయని లోక్‌పాల్ సర్వేలో తేల్చింది. కాంగ్రెస్ ప్రకటించిన గ్యారంటీ కార్డు సత్ఫలితాలనిస్తుందని ఈ స్వే తేల్చింది. అనేక వర్గాలు అధికార బీఆర్ఎస్ పై అసంతృప్తితో ఉన్నాయని సర్వేలో తేటతెల్లమయింది.