ఉప్పల్ స్కైవాక్ ను ప్రారంభించిన కేటీఆర్.. ప్రత్యేకతలేంటో చూడండి

భాగ్యనగర శిగలో మరో మణిహారం చేరింది. సుమారు రూ.25 కోట్లతో నిర్మించిన ఉప్పల్ స్కైవాక్ ను మంత్రి కేటీఆర్ ప్రారంభించారు. ఉప్పల్ రింగ్ వద్ద పాదచారుల కోసం ప్రత్యేకంగా నిర్మించిన ఈ స్కైవాక్.. ప్రధాన ఆకర్షణగా నిలిచింది. దేశంలోనే అత్యంత పొడవైన స్కైవాక్ ఇదే కావటం మరో విశేషం. ఈ స్కైవాక్‌ మొత్తం పొడవు 640 మీటర్లు, వెడల్పు -వర్టికల్‌ వెడల్పు- 3, 4,6 మీటర్లు, ఎత్తు -6 మీటర్లు, 8 లిఫ్ట్‌ లు , 4 ఎస్కలేటర్లతో పాటు మెట్ల సౌకర్యం కూడా ఉంది. ఆరు చోట్ల ఎగ్జిట్‌, ఎంట్రీ పాయింట్స్‌ ఏర్పాటు చేశారు. బ్యూటీఫికేషన్ లుక్ కోసం పైన రూఫ్ కవరింగ్ కూడా చేశారు. స్కైవాక్ నిర్మాణానికి 1000 టన్నుల స్టీల్ ను ఉపయోగించారు.