వివాదానికి ముగింపు.. రేవంత్ క్షమాపణ

ఎంపీ కోమటిరెడ్డి వెంకటరెడ్డికి పీసీసీ చీఫ్ రేవంత్ రెడ్డి క్షమాపణ చెప్పారు. మునుగోడు నియోజకవర్గంలోని చుండూరు సభలో అద్దంకి దయాకర్ వ్యాఖ్యలు సరికాదని రేవంత్ రెడ్డి తెలిపారు. ఇలాంటి వ్యాఖ్యలు ఎవరిపైన చేసినా సరికాదని అన్నారు. పత్రికా సమావేశంలోనూ హోంగార్డుల ప్రస్తావన కూడా సరికాదని రేవంత్ రెడ్డి తెలిపారు. బేషరతుగా దీనిపై కోమటిరెడ్డి వెంకటరెడ్డికి క్షమాపణలు చెబుతున్నానని ప్రకటించారు. తెలంగాణ ఉద్యమంలో కీలక పాత్ర పోషించిన కోమటిరెడ్డి వెంకటరెడ్డిని కించపర్చడం తగదన్నారు.