పరుగులు తీసిన వందేభారత్ రైలు
వందేభారత్ రైలును ప్రధాని నరేంద్ర మోదీ ప్రారంభించారు. వర్చువల్ గా ఆయన జెండా ఊపి ప్రారంభించారు
వందేభారత్ రైలును ప్రధాని నరేంద్ర మోదీ ప్రారంభించారు. వర్చువల్ గా ఆయన జెండా ఊపి ప్రారంభించడంతో రైలు సికింద్రాబాద్ స్టేషన్ నుంచి విశాఖపట్నానికి బయలుదేరి వెళ్లింది. ఈ సందర్భంగా ప్రధాని నరేంద్ర మోదీ మాట్లాడారు. రైల్వేశాఖ ప్రతి ఏటా ప్రయాణికుల సౌకర్యం కోసం మూడు వేల కోట్లు ఖర్చు చేస్తుందన్నారు. మారుతున్న దేశ భవిష్యత్ కు వందేభారత్ రైలు ఇది ఒక ఉదాహరణ మాత్రమేనని ఆయన తెలిపారు.
సంక్రాంతి కానుక : ప్రధాని
తెలుగు ప్రజలందరికీ వందేభారత్ రైలు సంక్రాంతి కానుక అని అన్నారు. వందేభారత్ రైలును వేగంగా ప్రయాణికులను తమ గమ్యస్థానాలకు చేర్చుతుందన్నారు. సికింద్రాబాద్ - విశాఖల మధ్య ప్రయాణ సమయం తగ్గుతుందని ప్రధాని తెలిపారు. రైల్వేకు ఎనిమిదేళ్లలో తమ ప్రభుత్వం అత్యధిక ప్రాధాన్యత కల్పించిందన్నారు. వందే భారత్ రైలు ప్రజలకు ఎంతో సౌకర్యంగా ఉంటుందని తెలిపారు. ప్రధాని జెండా ఊపి ప్రారంభించడంతో రైలు బయలుదేరి వెళ్లింది. ఈ కార్యక్రమంలో రైల్వే శాఖ మంత్రి అశ్విని వైష్ణవ్, కేంద్ర మంత్రి కిషన్ రెడ్డి, రాష్ట్ర మంత్రి తలసాని శ్రీనివాసయాదవ్ తదితరులు పాల్గొన్నారు.