ఎన్టీఆర్ తో కేసీఆర్.. వైరల్ అవుతున్న అరుదైన ఫొటో
నేడు ఎన్టీఆర్ శతజయంతి వేడుకలు సందర్భంగా.. టీఆర్ఎస్ నేతలు ఎన్టీఆర్ కు నివాళులు అర్పిస్తున్నారు. టీఆర్ఎస్ పార్టీ..
హైదరాబాద్ : ప్రస్తుతం తెలంగాణ సీఎం కేసీఆర్.. ఒకప్పుడు టీడీపీ నేతే అన్న విషయం అందరికీ తెలిసిందే. సినీ రంగంలో ఎవరికీ అందనంత ఎత్తుకు ఎదిగిన ఎన్టీఆర్.. టీడీపీ ని స్థాపించి రాజకీయాల్లోకి వచ్చారు. అప్పటికే కేసీఆర్ కాంగ్రెస్ పార్టీ ద్వారా తన రాజకీయ ప్రస్థానాన్ని ప్రారంభించారు. ఎన్టీఆర్ టీడీపీని స్థాపించిన తర్వాత.. కేసీఆర్ టీడీపీలో చేరడం తో ఆయనకు రాజకీయనేతగా గుర్తింపు దక్కింది. టీడీపీ లో ఉన్న సమయంలో కేసీఆర్ - ఎన్టీఆర్ తో కలిసి దిగిన ఒక ఫొటో నేడు నెట్టింట్లో వైరల్ అవుతోంది.
నేడు ఎన్టీఆర్ శతజయంతి వేడుకలు సందర్భంగా.. టీఆర్ఎస్ నేతలు ఎన్టీఆర్ కు నివాళులు అర్పిస్తున్నారు. టీఆర్ఎస్ పార్టీ సోష‌ల్ మీడియా క‌న్వీన‌ర్ వై సత్తిరెడ్డి ఎన్టీఆర్ - కేసీఆర్ ల ఫొటోను ట్వీట్ చేస్తూ.. ఎన్టీఆర్ కు నివాళులు అర్పిస్తున్నట్లు రాశారు. అలాగే ఎన్టీఆర్ కు భారతరత్న ఇవ్వాలని డిమాండ్ చేశారు. సత్తిరెడ్డి పోస్ట్ చేసిన ఆ ఫొటో నిజంగా అరుదైన ఫొటోనే. ఫొటోలో కేసీఆర్ ఎన్టీఆర్ ను ఎంతో అభిమానంగా.. ఆప్యాయంగా చూస్తున్నట్లు కనిపించారు. దానిని ఎన్టీఆర్ అభిమానులు, టీఆర్ఎస్ కార్యకర్తలు రీట్వీట్లు చేస్తూ.. వైరల్ చేస్తున్నారు.