Telangana : పేదలకు గుడ్ న్యూస్ .. నేటి నుంచి ప్రతి పేదల లోగిలో సన్న బియ్యం

నేడు ఉగాది. చేదుతో పాటు తీపి కూడా ఉగాది పచ్చడి లో ఉంటుంది. అందులో తీపిని ప్రజలకు అందించేందుకు రేవంత్ రెడ్డి ప్రభుత్వం సిద్ధమవుతుంది. ఈరోజు పేదలకు రేవంత్ రెడ్డి ప్రభుత్వం సన్న బియ్యం పంపిణీ చేయాలని నిర్ణయించింది. కుటుంబంలో ఎందరున్నా ఒక్కొక్కరికి ఆరు కిలోల సన్న బియ్యం ఇవ్వనుంది. హుజూర్ నగర్ మట్టపల్లి ‌లో సీఎం రేవంత్ సన్న బియ్యం పథకాన్ని ప్రారంభించనున్నారు. అర్హులైన రేషన్ కార్డుదారులకు ప్రతి ఒక్కరికి ఆరు కిలోల సన్నబియ్యం ఇచ్చేందుకు ప్రభుత్వం సిద్ధమయింది. ఈ మేరకు అన్ని ఏర్పాట్లను అధికారులు ఇప్పటికే చేశారు. ఉగాది పండగ నాడు పేదల ఇళ్లలో నిజమైన పండగను నెలకొల్పాలన్న ఉద్దేశ్యంతో పేదలకు అందరికీ అంటే తెలుపు రంగ కార్డులున్న వారందరికీ సన్న బియ్యాన్ని నేటి నుంచి ప్రభుత్వం అందించనుంది.