Revanth Reddy : తెలంగాణలో నేడు రేవంత్ సర్కార్ రైతులకు గుడ్ న్యూస్.. విన్నారంటే షాకింగేనా?

మహబూబ్ నగర్ జిల్లా రేవంత్ రెడ్డి సొంత జిల్లా కావడంతో ఇక్కడే కీలక ప్రకటన చేయాలని రేవంత్ రెడ్డి భావిస్తున్నారు. ఇప్పటికే రెండు లక్షల రూపాయల రుణమాఫీని తెలంగాణలోని రైతులకు కాంగ్రెస్ ప్రభుత్వం అమలు చేస్తుంది. ఈ సభలోనే రెండు లక్షల రూపాయల రుణమాఫీకి సంబంధించి రైతులకు చెక్కులను కూడా రేవంత్ రెడ్డి పంపిణీ చేస్తారని తెలిసింది. ఇప్పటి వరకూ రెండు లక్షల రూపాయల రుణమాఫీ అందని రైతులను అధికారులు గుర్తించారు. వీరందరికీ ఈరోజు చెక్కులను పంపిణీ చేయనున్నారు. సాంకేతిక కారణాలతో రుణమాఫీ జరగకపోవడంతో ఈ నెలాఖరు నాటికి పూర్తి స్థాయిలో రుణమాఫీ చేస్తామని ముఖ్యమంత్రితో పాటు మంత్రులు కూడా పదే పదే చెబుతున్న నేపథ్యంలో నేడు ఈ కార్యక్రమం జరుగుతుంది.

మరోవైపు రైతులకు సంబంధించి మరో కీలక ప్రకటన కూడా రేవంత్ రెడ్డి చేయనున్నారు. రైతు భరోసా పై కూడా రేవంత్ రెడ్డి కీలక ప్రకటన చేస్తారని తెలిసింది. సంక్రాంతి నుంచి ఎకరాకు 7,500 రూపాయల పెట్టుబడి సాయాన్ని అందిస్తామని రైతులకు తీపి కబురు రేవంత్ చెప్పనున్నారు. ఈ వేదిక నుంచే రైతు భరోసా ప్రకటన రేవంత్ రెడ్డి చేస్తారంటున్నారు. దీనికి సంబంధించి విధివిధానాలను కూడా రూపొందించారు. కేవలం సాగు అవుతున్న భూములకు మాత్రమే ఈ పథకం వర్తిస్తుంది. అదే సమయంలో పది ఎకరాల్లోపు ఉన్న రైతులకు మాత్రమే రైతు భరోసా నిధులు అందేలా ప్రభుత్వంచర్యలు తీసుకుంటుంది. దీంతో ఒకే వేదిక రెండు కీలక ప్రకటనలు చేస్తారనిపార్టీ వర్గాలు తెలిపాయి.