నల్గొండలో నరబలి కేసు : మృతుడికి మతిస్థిమితం లేదు ?

నల్గొండ జిల్లా చింతపల్లి మండలం గొల్లపల్లిలో నిన్న జరిగిన నరబలి.. స్థానికంగా తీవ్రకలకలం రేపింది. పోలీసులు మొదట వివాహేతర సంబంధం కారణంగా హత్య జరిగి ఉండవచ్చని భావించారు. కానీ.. ఘటనా ప్రాంతంలో లభించిన తల ఆధారంగా మృతుడి ఫోటోను అన్ని పోలీస్ స్టేషన్లకు పంపించగా.. అతని తల్లిదండ్రులు షాకింగ్ నిజాలను బయటపెట్టారు. తమ కొడుకుని ఖచ్చితంగా నరబలి ఇచ్చారని చెప్తున్నారు. వివరాల్లోకి వెళ్తే.. మృతుడు సూర్యాపేట జిల్లా పాలకవీడు మండలం శూన్య పహాడ్ కు చెందిన రమావత్ శంకర్ నాయక్ కొడుకు రమావత్ యజేందర్ గా గుర్తించారు పోలీసులు. నిందితులు తల, మొండెంను వేరుచేసి.. తలను మాత్రం మహంకాళి అమ్మవారి కాళ్ల వద్ద వదిలివెళ్లారు. కేసు నమోదు చేసిన పోలీసులు.. విచారణలో భాగంగా మృతుడి ఫొటోను అన్ని పోలీస్ స్టేషన్లకు పంపించారు. యజేందర్ ను గుర్తించిన తల్లిదండ్రులు రాత్రికి దేవరకొండ చేరుకున్నారు.