రేపు ఢిల్లీకి సీఎం కేసీఆర్
తెలంగాణ ముఖ్యమంత్రి కేసీఆర్ రేపు ఢిల్లీ బయలుదేరి వెళ్లనున్నారు
తెలంగాణ ముఖ్యమంత్రి కేసీఆర్ రేపు ఢిల్లీ బయలుదేరి వెళ్లనున్నారు. బీఆర్ఎస్ ఆవిర్భవించిన నేపథ్యంలో ఆయన ఢిల్లీ పర్యటన ప్రాధాన్యత సంతరించుకుంది. అయితే ఢిల్లీలో ఉన్న బీఆర్ఎస్ కార్యాలయంలో ముఖ్యమంత్రి కేసీఆర్ రాజశ్యామల యాగం చేయనున్నారని చెబుతున్నారు.
రాజశ్యామల యాగం....
ఈ నెల 13, 14 తేదీల్లో రాజశ్యామల యాగం నిర్వహిస్తారని తెలుస్తోంది. రెండు రోజుల పాటు కేసీఆర్ యాగంలో పాల్గొంటారని తెలిసింది. బీఆర్ఎస్ ఆవిర్భావం సందర్భంగా ఢిల్లీలోని పార్టీ కార్యాలయంలో ఈ యాగాన్ని నిర్వహిస్తున్నారు. ఇందులో కేసీఆర్ తో పాటు టీఆర్ఎస్ ముఖ్యనేతలు పాల్గొంటారని తెలిసింది.