Revanth Reddy : రైతులకు శుభవార్త చెప్పిన రేవంత్

విధివిధానాలను...

రైతు భరోసాపై తాము మంత్రి వర్గ ఉపసంఘాన్ని నియమించామన్న రేవంత్ రెడ్డి అసెంబ్లీ సమావేశంలో చర్చించి దీనిపై చర్యలు తీసుకుంటామని తెలిపారు. విధివిధానాలను కూడా ఖరారు చేస్తామని చెప్పారు. రైతులకు రెండు లక్షల రుణమాఫీ ఎలా చేశామో? అలాగే రైతు భరోసా నిధులను కూడా జమ చేస్తామని రేవంత్ రెడ్డి స్పష్టం చేశారు. తమ ప్రభుత్వం అప్పుల్లో ఉందని, గత ప్రభుత్వం చేసిన అప్పులకు వడ్డీ చెల్లించడానికే నిధులు అత్యధికంగా వెచ్చించాల్సి వస్తుందని తెలిపారు. రైతులు బీఆర్ఎస్ మాటలకు పడిపోవద్దని తెలిపారు. కేసీఆర్ తన హయాంలో 7,625 కోట్ల రూపాయల రైతు బంధు నిధులను బకాయీ పెట్టారని, దానిని తమ ప్రభుత్వం అధికారంలోకి రాగానే చెల్లించామని గుర్తు చేశారు.