ఫోక్ సింగర్, తెలంగాణ వేర్‌హౌసింగ్ కార్పొరేషన్ చైర్మన్ మృతి

తెలంగాణ ఉద్యమంలో సాయి చంద్ పాటకు ఎంతో ప్రాముఖ్యత ఉంది. ఇప్పుడు ఆయన మరణవార్త తెలంగాణ సమాజాన్ని కలిచివేస్తోంది. బీఆర్ఎస్ పార్టీతో సాయిచంద్‌కు ప్రత్యేక అనుబంధం ఉంది. ఆయన మరణ వార్త విన్న ముఖ్యనేతలంతా దిగ్భ్రాంతి వ్యక్తం చేశారు. తెలంగాణ రాష్ట్రం ఏర్పడిన తర్వాత కూడా తెలంగాణ గొప్పతనాన్ని కీర్తిస్తూ ముఖ్యమంత్రి కె.చంద్రశేఖర్‌రావు పథకాలపై ఎన్నో పాటలను రాశారు. సీఎం కేసీఆర్‌ ఎక్కడ సభ నిర్వహించినా.. అక్కడ సాయి చంద్‌ ఉండేవారు. విద్యార్ధి దశ నుంచే తెలంగాణ ఉద్యమంలో భాగం అయ్యారు సాయిచంద్‌. ప్రత్యేక రాష్ట్రం కల సాకారం చేసుకునేందుకు తన వంతుగా గళమెత్తి ప్రజల్ని చైతన్యవంతం చేసే ప్రయత్నం చేశారు. తెలంగాణ ఏర్పడ్డాక కూడా అభివృద్ధిపై పాడిన పాటలూ అంతే ప్రాచుర్యం పొందాయి. సాయి చంద్ హఠాన్మరణం పై సీఎం కెసిఆర్ దిగ్భ్రాంతి చెందారు.