షర్మిల నోటికి ఎంతొస్తే అంత మాట్లాడతారా?

వైఎస్ షర్మిల నోటికి హద్దూ పద్దూ లేకుండా పోతుందన్నారు. షర్మిల కూడా తెలంగాణను చాలాసార్లు వ్యతిరేకించారని ఆయన తెలిపారు. రాబోయే రోజుల్లో కూడా పాదయాత్రలో ఏదైనా జరిగితే తమకు సంబంధం లేదని అన్నారు. కేసీఆర్ పట్ల కూడా సంస్కార హీనంగా మాట్లాడుతున్నారన్నారు. ముఖ్యమంత్రి, మంత్రులు, ఎమ్మెల్యేలను ఎలా బడితే అలా మాట్లాడితే ఊరుకోరని అన్నారు. తెలంగాణ వ్యతిరేకి ఈ గడ్డమీద అలా మాట్లాడుతుంటే సహించరని బాల్క సుమన్ హెచ్చరించారు. తెలంగాణ అభివృద్ధిని డైవర్ట్ చేసేందుకు ప్రయత్నిస్తున్నారు. కిరాయి మూకలతో పర్యటిస్తూ డ్రామాలు చేస్తున్నారని తీవ్ర స్థాయిలో ఆరోపించారు. ఈ తోలుబొమ్మలాటను పెద్దగా పట్టించుకోవాల్సిన అవసరం లేదని బాల్క సుమన్ అన్నారు.