టీఎస్ పీఎస్సీ పేపర్ లీకేజీ కేసులో కీలక పరిణామం

టీఎస్ పీఎస్సీ పేపర్ లీకేజీ కేసులో కీలక పరిణామం చోటు చేసుకుంది. ఇప్పటివరకు ఈ కేసులో సిట్ అధికారులు 90 మందికి పైగా అరెస్టు చేసిన విషయం తెలిసిందే. అయినా కూడా సిట్ అధికారులు ఇంకా ఈ కేసును దర్యాప్తు కొనసాగిస్తూనే ఉన్నారు. తీగ లాగితే డొంక మొత్తం కదలి వచ్చినట్లుగా సిట్ అధికారులు దర్యాప్తు చేస్తున్న కొద్ది ఈ కేసులో ప్రమేయం ఉన్న వారందరూ మెల్లిమెల్లిగా బయటపడుతున్నారు. అంతేకాకుండా పేపర్ లీకేజీ కేసులో ప్రమేయం ఉన్న వారందరూ తప్పించుకునేందుకు నానా తంటాలు పడుతున్నారు. ఈ క్రమంలోనే ఈ కేసులో ప్రమేయం ఉన్న ఓ భార్య భర్తలు కూడా సిమ్ కార్డులు మార్చి తప్పించుకునేందుకు విశ్వ ప్రయత్నాలు చేస్తున్నారు. ఈ కేసులో ప్రమేయం ఉన్న ఖమ్మం జిల్లాకు చెందిన భార్య భర్తలు వారి సిమ్ కార్డులను మార్చి పుణ్యక్షేత్రాలు తిరుగుతున్నట్లుగా అధికారులు గుర్తించారు.