మరోసారి పెరిగిన టీఎస్ఆర్టీసీ ఛార్జీలు

రిజర్వేషన్ టికెట్లపై ఛార్జీలను మాత్రమే పెంచుతున్నట్లు టీఎస్ఆర్టీసీ తెలిపింది. ఒక్కో రిజర్వేషన్ టికెట్ పై రూ.20 నుంచి రూ.30 వరకూ ఛార్జీలను పెంచుతూ కీలక నిర్ణయం తీసుకుంది. ఇప్ప‌టికే రెండు ద‌ఫాలుగా నేరుగా బస్సు ఛార్జీల‌ను పెంచిన టీఎస్ఆర్టీసీ ఇటీవ‌లే డీజిల్ సెస్ పేరిట మ‌రోమారు ఛార్జీల‌ను పెంచిన సంగ‌తి తెలిసిందే. అలాగే.. ప‌ల్లెవెలుగు, ఆర్డిన‌రీ స‌ర్వీసుల్లో క‌నీస చార్జీని రూ.10ల‌కు పెంచుతూ కూడా సంస్థ నిర్ణ‌యం తీసుకుంది. తాజాగా రిజ‌ర్వేష‌న్ ఛార్జీలు కూడా పెంచుతూ టీఎస్ఆర్టీసీ నిర్ణ‌యం తీసుకోవ‌డం గ‌మ‌నార్హం. వరుసగా ఛార్జీలు పెంచడంపై ప్రయాణికులు, విపక్షాలు ఎలా స్పందిస్తాయో చూడాలి.