మళ్లీ పాదయాత్రకు సిద్ధమవుతున్న షర్మిల
వచ్చేె నెల 1వ తేదీ నుంచి వైఎస్ షర్మిల ప్రజా ప్రస్థానం పాదయాత్రను ప్రారంభించనున్నారు
వైఎస్సార్టీపీ చీఫ్ వైఎస్ షర్మిల పాదయాత్ర ప్రారంభించనున్నారు. వచ్చేె నెల 1వ తేదీ నుంచి వైఎస్ షర్మిల ప్రజా ప్రస్థానం పాదయాత్రను ప్రారంభించనున్నారు. తెలంగాణ లో వైఎస్ షర్మిల పాదయాత్ర ప్రారంభించినా గతంలో స్థానిక సంస్థల ఎన్నికల కోడ్ రావడంతో దానిని మధ్యలోనే నిలిపేశారు. స్థానిక సంస్థల ఎన్నికల కోడ్ తొలగిపోయినప్పటికీ, కోవిడ్ కేసులు అధికంగా ఉండటంతో పాదయాత్రను వైఎస్ షర్మిల తిరిగి ప్రారంభించలేదు.
మార్చి 1 నుంచి....
అయతే కోవిడ్ కేసులు తగ్గుముఖంపడుతుండటంతో ప్రజాప్రస్థానం పాదయాత్రను వైఎస్ షర్మిల తిరిగి ప్రారంభించనున్నారు. పాదయాత్ర వాయిదా పడిన చోట నుంచే తిరిగి ప్రారంభమవుతుందని పార్టీ వర్గాలు వెల్లడించాయి. గత ఏడాది నవంబరు 21న పాదయాత్రను వాయిదా వేసుకున్నారు. నల్లగొండ జిల్లా కొండపాకగూడెం నుంచి తిరిగి షర్మిల పాదయాత్రను కొనసాగించనున్నారు.