కొత్త మంత్రులకు కేటాయించిన శాఖలివే!

అమరావతి : ఏపీ కొత్తమంత్రివర్గం నేటి నుంచి కొలువుదీరింది. ఉదయం 25 మంది మంత్రులచే గవర్నర్ విశ్వభూషణ్ హరిచందన్ ప్రమాణ స్వీకారాలు చేయించారు. అనంతరం ఒక్కొక్క మంత్రి తమకు మంత్రి పదవి ఇచ్చిన సీఎం జగన్ కాళ్లు మొక్కారు. తాజాగా ఏపీ కొత్త మంత్రివర్గానికి శాఖలు ఖరారయ్యాయి. కొత్త మంత్రివర్గంలో ఉన్న పాత మంత్రుల శాఖలు మారాయి. అలాగే ఐదుగురు మంత్రులకు ఉప ముఖ్యమంత్రుల బాధ్యతలు అప్పగించారు. రాజన్న దొర, ముత్యాల నాయుడు, కొట్టు సత్యనారాయణ, కె. నారాయణస్వామి, అంజాద్ భాషా లను ఉప ముఖ్యమంత్రులుగా ప్రకటించారు. విద్యాశాఖను బొత్స కు బదిలీ చేసి.. పురపాలక శాఖను ఆదిమూలపు సురేష్ కు కేటాయించారు.