పొంగులేటి ఆ పెళ్లి వేడుక ఖర్చు ఎంతో తెలుసా?

ఇందుకోసం వంటకాలను సిద్ధం చేశారు. 25 ఎకరాల్లో భోజనాల కోసం ఏర్పాటు చేశారు. వీఐపీల కోసం ప్రత్యేకంగా, ప్రజల కోసం వేరొక చోట భోజన ఏర్పాట్లు చేశారు. 25 ఎకరాల్లో రిసెప్షన్ వేదికను ఏర్పాటు చేసిన పొంగులేటి కుటుంబం, వాహనాల పార్కింగ్ కోసం వంద ఎకరాలను సిద్ధం చేసింది. ట్రాఫిక్ ఇబ్బందులు తలెత్తకుండా సొంత డబ్బులతో సాగర్ కెనాల్ పై రెండు స్టీల్ వంతెనలను కూడా నిర్మించడం విశేషం. ఇందుకోసం కోటి రూపాయలు వెచ్చించినట్లు తెలిసింది.

ఈ నెల 12న పొంగులేటి శ్రీనివాసరెడ్డి కుమార్తె పెళ్లి ఇండోనేషియా బాలిలో జరిగింది. ఈరోజు వివాహ రిసెప్షన్ ను ఖమ్మంలో ఏర్పాటు చేశారు. భారీ సెట్టింగ్ లు వేశారు. వర్షం కురిసినా ఇబ్బంది లేకుండా వాటర్ ప్రూఫ్ షెడ్లను నిర్మించారు. పెళ్లి ఆహ్వాన పత్రికతో పాటు ప్రతి ఇంటికీ గోడ గడియారాలను పంపిణీ చేశారు. పెళ్లి వేడుకకు 250 కోట్ల రూపాయలు ఖర్చు చేసినట్లు సమాచారం. అయితే ఈ పెళ్లి వేడుకకు ఇంత ఖర్చు చేయడం అవసరమా? అన్న విమర్శలు వినిపిస్తున్నాయి. ఆ సొమ్మును పేదలను ఆదుకునేందుకు ఉపయోగిస్తే బాగుంటుందన్న సూచనలు వినిపిస్తున్నాయి. మొత్తం మీద ఖమ్మం జిల్లా చరిత్రలో నిలిచిపోయేలా పొంగులేటి కుమార్తె వివాహ రిసెప్షన్ నేడు జరగనుంది.