ఏపీ కొత్త సీఎస్ గా సమీర్ శర్మ

ఆంధ్రప్రదేశ్ నూతన ప్రభుత్వ ప్రధాన కార్యదర్శిగా సమీర్ శర్మ నియమితులయ్యారు. 1985 బ్యాచ్ కు చెందిన సమీర్ శర్మ అక్టోబర్ 1వ తేదీన బాధ్యతలను స్వీకరించనున్నారు. ప్రస్తుత చీఫ్ సెక్రటరీ ఆదిత్యనాధ్ దాస్ పదవీకాలం ఈ నెల 30వ తేదీతో ముగియనుంది. దీంతో ప్రభుత్వం సమీర్ శర్మను చీఫ్ సెక్రటరీగా నియమించింది. ఈ మేరకు నోటిఫికేషన్ జారీ అయింది. ప్రస్తుతం సమీర్ శర్మ రాష్ట్ర ప్రణాళికశాఖ ప్రత్యేక కార్యదర్శిగా ఉన్నారు.