భారత్ లో మంకీ ఫీవర్ కలకలం.. ప్రాణాంతకం అంటున్న వైద్యులు

ప్రభుత్వాస్పత్రి వైద్యులు మహిళ నుంచి రక్తనమూనాలు సేకరించి వైద్య పరీక్షలు చేయగా.. ఆమెకు కేఎఫ్ డీ సోకినట్లు నిర్థారణ అయింది. ఈ విషయాన్ని శివమొగ్గ హెల్త్ ఆఫీసర్ రాజేష్ సురగిహళ్లి తెలిపారు. ఈ వైరస్, ప్రధానంగా కీటకాల ద్వారా వస్తుందని, కోతులు, మనుషులపై ప్రభావం చూపుతుందని వైద్యాధికారులు తెలిపారు. ఈ వ్యాధి సోకిన వారికి 12 రోజుల వరకు తీవ్ర చలి జ్వరం, తలనొప్పి, బాడీ పెయిన్స్ వంటి లక్షణాలు ఉంటాయని పేర్కొన్నారు. అలాగే 3 నుంచి 5 వరకూ మరణాల రేటు ఉంటుందని తెలిపారు. ఇది టిక్-బర్న్ వైరల్ హెమరేజిక్ వ్యాధి. ఈ రకం వైరస్ వల్ల మానవులు, కోతుల ప్రాణాలకే ప్రమాదకరమని తెలిపారు.