నేడు షర్మిలమ్మ పార్టీ ఆవిర్భావం

తెలంగాణలో మరొక రాజకీయ పార్టీ నేడు ప్రారంభం కానుంది. వైఎస్ షర్మిల నేడు కొత్త పార్టీని ప్రారంభించబోతుననారు. వైఎస్సార్ తెలంగాణ పార్టీని తన తండ్రి వైఎస్ రాజశేఖర్ రెడ్డి జయంతి రోజున పార్టీని వైఎస్ షర్మిల ప్రకటించనున్నారు. జూబ్లీహిల్స్ల్ లోని జేఆర్సీ కన్వెన్షన్ హాలులో ఈరోజు సాయంత్రం ఐదు గంటలు షర్మిల పార్టీ ప్రకటన ఉంటుంది. ఈ సందర్భంగా తెలంగాణలో తాను ఏ కారణాల చేత పార్టీని ఏర్పాటు చేయాలనుకుంటున్నారో షర్మిల వివరిస్తారు. ఈ కార్యక్రమానికి అన్ని పార్టీల ముఖ్యనేతలకు ఆహ్వానం పంపారు. ఈ కార్యక్రమంలోనే పార్టీ జెండాను కూడా ప్రజలకు పరిచయం చేయనున్నారు. ఈరోజు ఉదయం ఇడుపులపాయలోని వైఎస్ సమాధి వద్ద నివాళులర్పించిన అనంతరం షర్మిల హైదరాబాద్ చేరుకుంటారు. ప్రత్యేక విమానంలో బేగంపేటకు చేరుకున్న షర్మిలను పార్టీ కార్యకర్తలు ర్యాలీగా తీసుకురానున్నారు.