Fact Check: ترنگے کی توہین کی اے آئی سے تیار کردہ تصویر فرقہ وارانہ بیانئے کے ساتھ وائرل

جوابی کارروائی میں دہلی کی جواہر لعل نہرو یونیورسٹی کے بیت الخلاء میں بنگلہ دیش کے پرچم کی تصویریں سوشل میڈیا پر وائرل ہورہی ہیں۔

دونوں ممالک میں چند شرپسندوں کی جانب سے قومی پرچموں کی توہین کے معاملات کے بیچ ایکس پلیٹ فارم پر ایک یوزر نے ایک فوٹو شئیر کی ہے جس میں دعویٰ کیا گیا ہیکہ بنگلہ دیش میں ایک ٹوپی پہنے مسلم نوجوان نے بھارتی پرچم پر پاوں رکھ کر اسکی توہین کی ہے۔

@ChandanSharmaG ، نامی ایکس صارف نے اس پوسٹ کو شئیر کیا ہے۔ اس پوسٹ کو قریب 9 لاکھ مرتبہ دیکھا، 10 ہزار کے قریب پسند اور4 ہزار سے زائد مرتبہ دوبارہ شئیر کیا گیا ہے۔

ترجمہ: اسی کو نمک حرامی کہتے ہیں۔

بنگلہ دیشی، جو بھارت کے فنڈس کے محتاج تھے وہ اب پاکستان سے ترغیب لے کر اپنے اندر کی مذہبی جنونیت کو باہر لاتے ہوئے دیکھو کس طرح بھارت کے ترنگے جھنڈے کو اپنے پیروں تلے کچل رہے ہیں۔

اگربھارت چاہے گا تو یہ لوگ بھوکے مرجائیں گے، ان کے پاس نہ راشن ہوگا، نہ پہننے کے لیے کپڑے ہوں گے اور نہ ہی فرار ہونے کا کوئی راستہ ہوگا۔"

واِئرل پوسٹ میں کئے گئے دعوے کا لنک یہاں اور آرکائیو لنک یہاں ملاحظہ کریں۔

وائرل پوسٹ کا اسکرین شاٹ یہاں دیکھیں۔

تلگو پوسٹ کی فیکٹ چیک ٹیم نے اپنی جانچ پڑتال کے دوران پایا کہ وائرل پوسٹ میں کیا گیا دعویٰ فرضی ہے۔

اس وائرل دعوے کی تحقیق کیلئے جب ہم نے گوگل ریورس امیج سرچ ٹول کا سہارا لیا تو ہمیں اس پوسٹ کے جواب میں ایک ٹوئیٹ ملی جس میں بتایا گیا ہیکہ یہ تصویر آرٹیفشئل انٹلی جنس سے تیار کی گئی ہے۔

اس تصویر کا بغور مشاہدہ کرنے پر پتہ چلتا ہیکہ اس میں دکھائے گئے نوجوان کے سیدھے ہاتھ کی ہئیت مختلف نظر آتی ہے۔ اسکے علاوہ اس کے پائجامے کے بائیں پائنچے میں دھوتی نما سلوٹ نظر آرہی ہے۔ یاد رہے کہ آے آئی سے تیار کردہ تصاویر سو فیصدی حقیقی نہیں ہوتی ہیں۔

اس معاملے کی تہہ تک پہنچنے کیلئے ہم نے اے آئی تصویروں کا پتہ لگانے والے ٹولس کی مدد لی۔ سب سے پہلے Hive ٹول کی مدد سے وائرل تصویر جانچی تو معلوم ہوا کہ یہ تصویر 99.1 فیصد اے آئی ٹکنالوجی سے بنائی گئی ہے۔

پھر ہم نے اس قسم کے ایک اور ٹول Trumedia سے بھی اس تصویر کی حقیقت جاننے کی کوشش کی۔ اس ٹول سے بھی اس بات کی تصدیق ہوئی کہ یہ تصویر مصنوعی ذہانت پر مبنی ٹکنالوجی سے تیار کی گئی ہے۔