ఏపీలో భారీగా ఐపీఎస్ ల బదిలీ.. ఏసీబీ డీఐజీ గా రామకృష్ణ

అమరావతి : ఏపీలో భారీగా ఐపీఎస్ ల బదిలీలు జరిగాయి. మొత్తం 17 మంది ఐపీఎస్ ల పోస్టింగ్ లలో మార్పులు చేర్పులు చేస్తూ.. కొందరికి అదనపు బాధ్యతలు అప్పగిస్తూ ఏపీ ప్రభుత్వం ఉత్తర్వులు జారీ చేసింది. ఏపీ ఏసీబీ డీఐజీగా పిహెచ్ డీ రామకృష్ణను నియమిస్తూ ప్రభుత్వం ఉత్తర్వులు జారీ చేసింది. ఐజీపీ క్రీడలు, సంక్షేమంతో పాటు రైల్వే ఏడీజీగా ఎల్ కేవీ రంగారావుకు అదనపు బాధ్యతలు అప్పగించారు. ఎస్వీ రాజశేఖర్ బాబును డీఐజీగా బదిలీ చేస్తూనే.. శాంతి భద్రతలు డీఐజీగా అదనపు బాధ్యతలు అప్పగించింది. ఏసీబీ డీఐజీగా నియమించిన రామకృష్ణకు అదనంగా టెక్నికల్ సర్వీసెస్ డీఐజీ బాధ్యతలను అప్పగించింది.