Tirumala : తిరుమలలో తగ్గిన రద్దీ.. మెయిన్ కారణమిదే

ఈరోజు తిరుమలలోని వైకుంఠం క్యూ కాంప్లెక్స్ లోని ఐదు కంపార్ట్‌మెంట్లలోనే భక్తులు వేచి ఉన్నారు. ఉచిత దర్శనం క్యూ లైన్ లో ఉదయం ఏడు గంటలకు టోకెన్లు లేకుండా ప్రవేశించిన భక్తులకు శ్రీవారి దర్శనం ఎనిమిది గంటల సమయం మాత్రమే పడుతుంది. టైమ్ స్లాట్ దర్శనం కోసం వేచి ఉన్న భక్తులకు మూడు గంటల సమయం పడుతుంది. మూడు వందల ప్రత్యేక దర్శనం టిక్కెట్లు కొనుగోలు చేసిన భక్తులకు శ్రీవారి దర్శనం రెండు గంట్లో పూర్తవుతుందని తిరుమల తిరుపతి దేవస్థానం అధికారులు తెలిపారు. నేటి పుష్కరిణి లోకి భక్తులను అనుమతించనున్నారు. బ్రహ్మోత్సవాల నేపధ్యంలో తిరుమలలోని పుష్కరిణికి నెల రోజుల పాటు మరమ్మతులు చేపట్టారు. నేటి నుంచి పుష‌్కరిణి హారతిని పునరుద్ధించారు. నిన్న తిరుమల శ్రీవారిని 81,207 మంది భక్తులు దర్శించుకున్నారు. వీరిలో 31,414 మంది భక్తులు తలనీలాలను సమర్పించుకున్నారు. నిన్న తిరుమల శ్రీవారి హుండీ ఆదాయం 4.53 కోట్ల రూపాయలు వచ్చిందని అధికారులు వెల్లడించారు.