Tirumala : శ్రీవారి భక్తులకు గుడ్ న్యూస్... తిరుమలలో తగ్గిన భక్తుల రద్దీ... ప్రధాన కారణమిదేనట

ఈరోజు తిరుమలలోని వైకుంఠం క్యూ కాంప్లెక్స్ లోని పది కంపార్ట్‌మెంట్లలోనే భక్తులు శ్రీవారి దర్శనం కోసం వేచి ఉన్నారు. ఉచిత దర్శనం కోసం ఉదయం ఏడు గంటలకు టోకెన్లు లేకుండా ప్రవేశించిన భక్తులకు శ్రీవారి దర్శనం ఎనిమిది గంటల సమయం పడుతుంది. టైమ్ స్లాట్ దర్శనం కోసం ఐదు కంపార్ట్‌మెంట్లలో భక్తులు వేచి ఉన్నారు. వీరికి శ్రీవారి దర్శనానికి నాలుగు గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. నిన్న తిరుమల శ్రీవారిని 67,916మంది భక్తులు దర్శించుకున్నారు. వీరిలో 23,010 మంది భక్తులు తమ తలనీలాలను సమర్పించుకుని మొక్కులు చెల్లించుకున్నారు. నిన్న తిరుమల శ్రీవారి హుండీ ఆదాయం 3.93 కోట్ల రూపాయలు వచ్చిందని అధికారులు తెలిపారు. రేపటి నుంచి మళ్లీ రద్దీ పెరిగే అవకాశముంది. నేటి నుంచి శ్రీవారి పుష్కరిణిని మూసివేస్తున్నట్లు అధికారులు ప్రకటించారు.