ఈరోజైనా బెయిల్ వస్తుందా?

తెలుగుదేశం పార్టీ అధినేత చంద్రబాబు బెయిల్ పిటీషన్‌పై నేడు విచారణ జరగనుంది. ఏసీబీ కోర్టులో నేడు విచారణ జరగనుంది. స్కిల్ డెవలెప్‌మెంట్ స్కాం కేసులో గత 27 రోజులుగా చంద్రబాబు రాజమండ్రిలోని కేంద్ర కారాగారంలో రిమాండ్ ఖైదీగా ఉంటున్నారు. ఆయన వేసిన క్వాష్ పిటీషన్‌ను హైకోర్టు కొట్టివేయడంతో సుప్రీంకోర్టును ఆశ్రయించారు. సుప్రీంకోర్టు క్వాష్ పిటీషన్‌పై విచారణను వచ్చే సోమవారానికి వాయిదా వేసింది. దీంతో ఏసీబీ కోర్టులో బెయిల్ పిటీషన్ వేశారు. మరోవైపు సీఐడీ చంద్రబాబు రిమాండ్ ను పొడిగించాలంటూ ఏసీబీ కోర్టులో మెమో దాఖలు చేసింది. చంద్రబాబు రిమాండ్ ను పదిహేను రోజుల పాటు పొడిగించాలని కోరుతూ పిటీషన్ సీఐడీ తరుపున న్యాయవాదులు దాఖలు చేశారు.