Tirumala : తిరుమలలో పెరిగిన భక్తుల రద్దీ.. దర్శనానికి?

అదే సమయంలో తిరుమలలో క్యూ లైన్ లలో పెద్దగా వేచి ఉండకుండానే రెండు గంటల్లోనే స్వామివారి దర్శనం అయ్యేలా చూస్తామని టీటీడీ అధికారులు హామీ ఇచ్చారు. తిరుమలలో బ్రాండెడ్ హోటల్స్ కు కూడా అనుమతివ్వడంతో వచ్చే యాత్రికులకు శుచికరమైన, రుచికరమైన ఆహారం లభిస్తుందని తెలిపారు. ఈరోజు తిరుమలలోని వైకుంఠం క్యూ కాంప్లెక్స్ లోని ఒక కంపార్ట్ మెంట్ లో భక్తులు శ్రీవారి దర్శనం కోసం వేచి ఉన్నారు. ఉచిత దర్శనం క్యూ లైన్ లో వేచి ఉన్న భక్తులకు శ్రీవారి దర్శనం ఎనిమిది గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. టైమ్ స్లాట్ దర్శనం భక్తులకు నాలుగు గంటల సమయం పడుతుందని చెప్పారు. మూడు వందల రూపాయల ప్రత్యేక దర్శనం టిక్కెట్లు కొనుగోలు చేసిన భక్తులకు శ్రీవారి దర్శనం మూడు గంటల సమయం పడుతుంది. నిన్న తిరుమల శ్రీవారిని 62,495 మంది భక్తులు దర్శించుకున్నారు. వీరిలో 19,298 మంది భక్తులు తమ తలనీలాలను సమర్పించి మొక్కులు చెల్లించుకున్నారు. నిన్న తిరుమల శ్రీవారి హుండీ ఆదాయం 3.80 కోట్ల రూపాయలు వచ్చిందని అధికారులు తెలిపారు. ఈ నెల 10 వతేదీ నుంచి వైకుంఠ ద్వార దర్శనాలు ఉండటంతో భక్తుల రద్దీ మరింత పెరిగే అవకాశముందని, అందుకు తగిన ఏర్పాట్లు చేస్తున్నామని తెలిపారు.